Za try dni aktyvistaŭ ruchu suprać bresckaha zavoda i pravaabaroncaŭ aštrafavali bolš čym na 8000 rubloŭ
U Breście z 11 maja prachodziać sudy nad praciŭnikami zavoda AKB, a taksama pravaabaroncami. Ich sudziać za ŭdzieł u niesankcyjanavanym masavym mierapryjemstvie, piša «Bresckaja hazieta».
Ad 11 maja ŭ sudzie Leninskaha rajona Bresta prachodziać sudy nad zatrymanymi jašče na minułym tydni aktyvistami ruchu suprać budaŭnictva pad Brestam akumulatarnaha zavoda, a taksama pravaabaroncami. Amal na ŭsich ź ich skłali pratakoły za ŭdzieł u niesankcyjanavanych akcyjach pratestu suprać zavoda, jakija prachodzili ŭ Breście ŭ krasaviku — pačatku maja.
Tak, na sieradu 13 maja karcina nastupnaja: Aleh Viałaŭ — štraf 30 bazavych, Dzianis Małyšenka — dva sudy, 30+30 bazavych (pavieźli ŭ IČU, budzie jašče sud), Uładzimir Maroz — 30 bazavych (paśla suda pavieźli ŭ IČU, budzie jašče sud), Vital Kazak — 30 bazavych (pavieźli ŭ IČU, budzie jašče sud), Juryj Kalko (30 bazavych za akcyju pratestu i 10 za niepadparadkavańnie milicyjanieram, pavieźli ŭ IČU, budzie jašče sud), Valeryj Faminski (sud pačaŭsia, praciahniecca 18 maja, mužčyna znachodzicca ŭ IČU), Kanstancin Astapuk — składziena try pratakoły, aštrafavany na 30 bazavych. Akramia taho, jašče ŭ aŭtorak, 12 maja, aštrafavali i znoŭ pavieźli ŭ IČU dvuch pravaabaroncaŭ, Ramana Kiślaka (30 bazavych) i Uładzimira Vialičkina (50 bazavych), jakija manitorać akcyi pratestu.
Takim čynam, za try dni šaściarych praciŭnikaŭ akumulatarnaha zavoda i dvuch pravaabaroncaŭ užo aštrafavali na 300 bazavych (8 100 rubloŭ), i heta jašče nie kaniec. Z ulikam sutak da suda, vielizarnych štrafaŭ i taho, što bolšaść aktyvistaŭ paśla sudoŭ vieźli ŭ IČU znoŭ, heta samaja žorstkaja chvala cisku na aktyvistaŭ za bolš čym dva hady pratestaŭ suprać akumulatarnaha zavoda.
