Katalicki aktyvist Arciuchoŭ taksama choča stać kandydatam u prezidenty
39-hadovy indyvidualny pradprymalnik, ułaśnik sałona druku «Kopirfiłd», maje namier stać kandydatam na prezidenckich vybarach.
Adpaviedny zvarot jon raspaŭsiudziŭ u sacyjalnych sietkach. Ciapier aktyvist źbiraje inicyjatyŭnuju hrupu.
U razmovie z karespandentam «Našaj Nivy» Arciuchoŭ paćvierdziŭ svajo žadańnie.
Mikoła Arciuchoŭ. Fota z vk.com
«Ja nie papularnaja asoba, zachočuć ludzi — padtrymajuć. Nie zachočuć — atrymajuć toje, što majuć. Ja zaklikaju być salidarnym ź Siarhiejem Cichanoŭskim i zaklikaju ŭstupać u jahonuju inicyjatyŭnuju hrupu. Liču, čym bolej my budziem mačyć režym, tym chutčej jon padzie», — kaža Arciuchoŭ.
Mikoła Arciuchoŭ naradziŭsia ŭ 1979 hodzie ŭ Minsku. Katalicki aktyvist. Arciuchoŭ stajaŭ la vytokaŭ adradžeńnia Biełaruskaj chryścijanskaj demakratyi, u 2004-2007 hadach byŭ sustaršynioj arhanizacyi.
Svaimi kankurentami Arciuchoŭ nazyvaje Valeryja Capkału («stary miech») i Andreja Dźmitryjeva («hrozny hebešnik»), ale ličyć, što macniejšy za hetych kandydataŭ.
Pakul ža Arciuchoŭ navat nie ŭpeŭnieny, što zdoleje sabrać nieabchodnuju inicyjatyŭnuju hrupu. «Kali budzie dastatkovaja padtrymka, to pajdu padavać na rehistracyju, ja zrabiŭ usio, što moh», — kaža jon.
