Capkała: U mianie jość prahrama, ale havaryć pra jaje nielha
Stvaralnik PVT Valer Capkała, jaki paviedamiŭ pra svaje prezidenckija ambicyi, apublikavaŭ u svaim fejsbuku čarhovy dopis, pryśviečany ŭdziełu ŭ vybarach.
Fota Siarhieja Hudzilina
Čytajcie taksama:
Zasnavalnik Parka vysokich technałohij Valer Capkała idzie na vybary
«Vy b i Styva Džobsa aryštavali»: piać faktaŭ pra Valeryja Capkału
Capkała adznačyŭ, što ŭ jaho jość prahrama raźvićcia Biełarusi.
«Jana akumuluje ŭ sabie samy pieradavy suśvietny vopyt, najlepšyja formy arhanizacyi pramysłovaści, sielskaj haspadarki, dziaržaŭnaha kiravańnia, sistemy padatkaabkładańnia, achovy zdaroŭja, adukacyi i inšyja pytańni», — napisaŭ jon.
Ale ciapier kazać ab prahramie nielha z-za zakanadaŭčych abmiežavańniaŭ, zapeŭnivaje Capkała.
U ciapierašni čas kamanda Capkały farmuje inicyjatyŭnuju hrupu pa vyłučeńni jaho kandydatam u prezidenty. Patencyjny kandydat zaprašaje ŭsich, chto choča pieramienaŭ, ustupić u jaho inicyjatyŭnuju hrupu.
«Dziakuj Vam usim za padtrymku! Razam my pabudujem novuju Biełaruś!» — napisaŭ Capkała.
