Milicyja: Na parad u Minsku pryjšli 15 tysiač čałaviek. Heta ŭ dziasiatki razoŭ mienš, čym u minułyja hady
Fota Siarhieja Hudzilina
Pavodle papiarednich acenak MUS, na parad u Minsku pryjšło bolš za 15 000 hledačoŭ. Pra heta paviedamiŭ namieśnik staršyni Minharvykankama Arciom Curan, pišuć «Minsk-Naviny».
«Napieradzie ŭ nas jašče viačerni kancert na płoščy Pieramohi, jon budzie tranślavacca anłajn, jaho zmohuć pahladzieć nie tolki minčuki, ale i žychary ŭsioj krainy. Hulańni ŭ hetym hodzie z-za epidemijałahičnaj situacyi vyrašyli nie pravodzić. Ale tym nie mienš u 23:15 pačniecca śviatočny salut z muzyčnym afarmleńniem. Atrymać asałodu ad piratechničnaha šou možna budzie ŭ roznych kutkach stalicy, sioleta jaho daduć u vaśmi kropkach», — raspavioŭ namieśnik staršyni.
Dla paraŭnańnia: pa aficyjnych źviestkach (varta adznačyć, što niezaležnyja naziralniki ličyli tyja ličby zavyšanymi), u 2017 hodzie parad sabraŭ da 250 tysiač hledačoŭ, u 2015-m — kala 600 tysiač.
Na trybunach, kudy ludziej źbirali pa raznaradcy, sioleta było 11 tysiač miescaŭ.
