Čempijanat Ispanii pa futbole moža adnavicca ŭ kancy červienia
Pra heta zajaviŭ trenier «Lehaniesa» Chaŭjer Ahire ŭ intervju haziecie Marca, piša sovsport.ru
«U nas užo jość data restartu čempijanatu, — raspavioŭ mieksikaniec u intervju haziecie Marca. — 20 červienia adnovim siezon, a praź piać tydniaŭ, 26 lipienia, skončym. Budziem hulać pa subotach i niadzielach, a taksama pa sieradach i čaćviarhach. Ła Liha tolki što prainfarmavała mianie aficyjna. Ja vielmi ščaślivy, bo na zaŭtra my ŭžo zapłanavali treniroŭku. Na ščaście, my prajšli ŭsie testy na karanavirus, i možna pačynać zaniatki».
Paźniej kiraŭnictva Ła Lihi pastaviła pad sumnieŭ słovy Ahire.
«Paćviardžeńnie daty adnaŭleńnia siezonu niama. My pačniem treniroŭki, a zatym budziem čakać rašeńnia ŭrada. My majem namier adnavić siezon u červieni, kali ŭłady paličać heta mahčymym », - zajaviŭ pradstaŭnik Ła Lihi.
Da vymušanaj paŭzy ŭ ispanskim čempijanacie było zhulana 27 turaŭ z 38. «Barsiełona» apiaredžvała «Reał» na dva bały.
Futbolnyja čempijanaty ŭ Jeŭropie byli spynienyja ŭ Jeŭropie ŭ siaredzinie sakavika. Hulajecca tolki pieršynstvo ŭ Biełarusi, 9 maja startuje čempijanat Fareraŭ, 16 maja adnaŭlajecca niamieckaja bundeśliha, u kancy maja, imavierna, čempijanaty Sierbii i Charvatyi.
Čempijanaty Bielhii, Niderłandaŭ i Francyi skončany daterminova.
