Francyja pakinie miežy zakrytymi da siaredziny červienia
Pra heta zajaviŭ u piatnicu na bryfinhu kiraŭnik MUS krainy Krystaf Kastanier, piša rbc.ru sa spasyłkaj na Figaro.
Pavodle jaho słoŭ, niahledziačy na adsutnaść pamiežnaha kantrolu ŭnutry Šenhienskaj zony, miežy ź inšymi jeŭrapiejskimi krainami zastanucca zakrytymi «prynamsi da 15 červienia».
Pry hetym ministr dapuściŭ, što pierasiačeńnie miažy moža być dazvolena supracoŭnikam pradpryjemstvaŭ, jakija praciahvajuć pracu za miežami Francyi, ci pry nieabchodnaści dohladu dziciaci abo chvorych svajakoŭ.
U siaredzinie krasavika prezident krainy Emaniuel Makron praciahnuŭ karancinnyja miery da 11 maja. U paniadziełak častku abmiežavańniaŭ pačnuć zdymać.
U Francyi ad pačatku epidemii paćvierdžana 174,3 tys. chvorych na COVID-19. 54 tys. čałaviek ačuniali, 25,8 tys. pacyjentaŭ pamierli. Kraina znachodzicca na šostym miescy ŭ śviecie pa kolkaści zaražanych.
