Dziasiatki prychilnikaŭ Cichanoŭskaha ŭ centry Homiela skandavali antyłukašenkaŭskija łozunhi. Ich zatrymali siłaviki VIDEA
Dziasiatki prychilnikaŭ zatrymanaha błohiera Cichanoŭskaha sabralisia ŭ centry Homiela. Adpaviedny strym źjaviŭsia na jutubie.
Da ŭdzielnikaŭ sustrečy padyšoŭ supracoŭnik milicyi ź miehafonam i paprasiŭ razyścisia. U adkaz na heta aktyvisty pačali vykrykvać antyłukašenkaŭskija łozunhi.
Ludzi sabralisia iści da izalatara, adnak ich zatrymali siłaviki, i strym prypyniŭsia.
Fota Radyjo Svaboda.
Na videa možna było ŭbačyć, jak zatrymanych zahruzili ŭ aŭtobus i paprasili vyklučyć telefony.
Akcyja praciahvałasia kala 35 chvilin. Zatrymali kala 20 čałaviek, u tym liku žurnalistaŭ Tut.by i «Kamsamolskaj praŭdy».
U pastarunku na zatrymanych skłali pratakoły za «parušeńnie paradku praviadzieńnia masavych mierapryjemstvaŭ».
Nahadajem, 6 maja Siarhieja Cichanoŭskaha zatrymali pad Mahilovam. U MUS zajavili, što padstavaj dla zatrymańnia błohiera stała pastanova suda Savieckaha rajona horada Homiela ab administracyjnym aryšcie.
Videabłohier Cichanoŭski pieranios pratesty z anłajna na vulicy. I akazałasia, što «kraina dla žyćcia» zakipaje
Siarhiej Cichanoŭski zajaviŭ, što idzie na prezidenckija vybary
