U Vilejcy złodziej-ramantyk skraŭ z kłumby kusty ruž i lilei
Pra heta «Rehijanalnaj haziecie» raskazaŭ namieśnik načalnika Vilejskaha RAUS Mikałaj Miahkoŭ.
5 maja ŭ Vilejski RAUS źviarnułasia vilajčanka z doma №54 pa vulicy Kastryčnickaj. Žančyna paviedamiła, što niekalki hod tamu na ŭčastku pad svaim bałkonam zrabiła kłumbu. Tut vyroščvała roznyja kvietki. Kali ŭviečary 4 maja haspadynia vychodziła na dvor, z kvietkami jašče ŭsio było dobra.
A ranicaj 5 maja žančyna zaŭvažyła, što z kłumby źnikli čatyry kusty ruž i kust lilei. Uron haspadynia kvietak acaniła ŭ sorak rubloŭ.
U dziejańniach nieviadomaha — prykmiety administracyjnaha pravaparušeńnia, praduhledžanaha artykułam 10.5 Kodeksa ab administracyjnych pravaparušeńniach — drobny kradziež majomaści. Za heta praduhledžany štraf ad 54 da 810 rubloŭ.
Ciapier milicyja vystvialaje asobu parušalnika.