Dapamožam damam-internatam razam z «Budźma!»
Z 4 pa 14 maja hramadskaja kulturnickaja kampanija «Budźma biełarusami!» i internet-krama biełaruskich admietnaściaŭ budzma-krama.by ładziać dabračynnuju akcyju «Dapamožam razam!». 50% ad sumy kožnaj pakupki buduć pieraličanyja dabračynnamu fondu «Dobra tut» u padtrymku damoŭ-internataŭ dla ludziej z asablivaściami psichafizičnaha raźvićcia.
U suviazi z pandemijaj karanavirusa hramadskuju kulturnickuju kampaniju «Budźma biełarusami!» mocna chvaluje toje, što pa-za ŭvahaj i dziaržavy, i hramadstva zastalisia ŭraźlivyja hrupy nasielnictva — ludzi z asablivaściami psichafizičnaha raźvićcia.
Vielmi važna, što i vałanciory, i hramadskija inicyjatyvy dapamahajuć miedykam, jakija štochvilinu zmahajucca za žyćcio ludziej — naša z vami žyćcio. Ale važna padtrymać i abaranić i tych, chto słaby, chto nie ŭ stanie sam pakłapacicca pra siabie, — darosłych i dziaciej z raznastajnymi zachvorvańniami, jakija pražyvajuć u damach-internatach i nie majuć mahčymaści zachoŭvać sacyjalnuju dystancyju.
Z 4 pa 14 maja kampanija «Budźma biełarusami!» ładzić akcyju «Dapamožam razam!». Kožny, chto ciaham paznačanaha terminu nabudzie lubuju reč u internet-kramie «Budźma», maje mahčymaść dałučycca da hetaj dabračynnaj akcyi. 50% ad sumy kožnaj pakupki buduć pieraličanyja ŭ dabračynny fond «Dobra tut», jaki zajmajecca padtrymkaj damoŭ-internataŭ dla dziaciej i darosłych z asablivaściami psichafizičnaha raźvićcia.
Zrabić dabro tak prosta! Nabyvajcie ŭ kramie budzma-krama.by pryhožyja i karysnyja rečy ź biełaruskim charaktaram, rabicie pryjemnaści sabie i blizkim i dapamahajcie tym, kamu heta sapraŭdy patrebna.
Akcyja «Maska ŭ padarunak» pry zamovie ad 30 rubloŭ dziejničaje pa 14 maja.
