U Śviata-Jelizaviecinskim manastyry pieršaja śmierć ad karanavirusa
U špitali pamierła manachinia Maryja (Kavalčuk) sa Śviata-Jelizaviecinskaha manastyra. Pra heta «Našaj Nivie» paviedamiŭ pres-sakratar BPC Siarhiej Lepin.
Manachinia Maryja (Kavalčuk). Fota z facebook.com.
«Jana była ŭžo va ŭzroście. Dakładny dyjahnaz pytajciesia ŭ jaje siamji — u manastyry», — skazaŭ Siarhiej Lepin.
83-hadovaja Maryja (Kavalčuk) žyła na manastyrskim padvorku. Adkazvała za hatoŭku. Na sajcie manastyra pisali pra jaje smačnyja piražki z kapustaj, bulbaj, abrykosavym džemam.
U manastyry paćvierdzili, što siastra Maryja sapraŭdy mieła stanoŭčy vynik testu na karanavirus. Jakaja pryčyna śmierci budzie paznačana ŭ dakumientach, pakul nie viedajuć.
Śviata-Jelizaviecinski manastyr na ŭskrajku Minska staŭ adnym z ačahoŭ raspaŭsiudu karanavirusa. Na vielikodnuju słužbu tudy pryjšła vialikaja kolkaść ludziej. Słužby ŭ manastyry dla prychadžan nie admianialisia da 30 krasavika. Takoj pazicyi prytrymlivaŭsia śviatar Andrej Lemiašonak. U vyniku mnohija siostry, a taksama śviatary zachvareli na karanavirus.
Hladzi taksama: Sa Śviata-Jelizaviecinskaha manastyra pastupajuć sihnały pra karanavirus. Raskazvajem pra Andreja Lemiašonka, jaki stvaryŭ hetu impieryju
Lemiašonak sa Śviata-Jelizaviecinskaha manastyra: Lepš pamierci, ale zastacca z Boham
Śviata-Jelizaviecinski manastyr, dzie byŭ vyjaŭleny asiarodak karanavirusa, usio ž zakryŭ słužby dla prychadžan
