Epidemijołah: Zaražeńnie adbyvajecca pry 15-chvilinnym kantakcie. U maskach imaviernaść zaražeńnia źnižajecca da minimumu
Fota Nadziei Bužan
Dyrektar Centra infiekcyjnych zachvorvańniaŭ i ŚNIDu Litvy prafiesar Saŭlus Čaplinskas rastłumačyŭ, što miedycynskija maski na chvorym i zdarovym čałavieku, jaki kantaktuje ź im, źnižajuć imaviernaść zaražeńnia da minimumu, da 1,5%. Prafiesar zaŭvažyŭ, što na karanavirus možna zachvareć, kali va ŭsprymalny arhanizm traplaje dastatkovaja kolkaść virusa, piša Delfi.lt.
Pavodle jaho słoŭ, niama ničoha dziŭnaha ŭ tym, što na karanavirus bolš šancaŭ zachvareć u ludziej z hrupy ryzyki, tamu, pavodle jaho słoŭ, u krainie i fiksujuć asiarodzi karanavirusa ŭ chośpisach, damach sastarełych, dzie znachodziacca ludzi z uraźlivaj hrupy.
«Naturalna, što virus nikudy nie źnik, kali jon dasiahaje samych uraźlivych členaŭ hramadstva, to mienavita tam vialikaja vierahodnaść, što jany zaraziacca. Kab čałaviek zachvareŭ, sutyknuŭšysia ź virusam, treba, kab dastatkovaja jaho kolkaść patrapiła ŭ arhanizm usprymalnaha čałavieka», — skazaŭ prafiesar.
Čaplinskas akcentuje, što dastatkova 15-chvilinnych znosin dla taho, kab usprymalny čałaviek zachvareŭ na karanavirus.
«Ale kali čałaviek budzie biez maski, to vierahodnaść zaražeńnia składaje 100%. Kali maska budzie tolki na zdarovym čałavieku, vierahodnaść zaražeńnia źnižajecca da 70%. Kali ž maska budzie na chvorym, to vierahodnaść zaražeńnia budzie ŭsiaho 5%, kali abodva — usiaho 1,5%», — skazaŭ Čaplinskas.
«A jak usie viedajuć, dla pažyłych ludziej i ludziej chvorych na chraničnyja zachvorvańni hetaja niebiaśpieka zastajecca samaj vialikaj», — dadaŭ prafiesar.