Jak piasčanyja bury zasypajuć poŭdzień Biełarusi FOTY
Fatohraf i stvaralnik sajta «Płanieta Biełaruś» Siarhiej Płytkievič prajechaŭsia pa poŭdni krainy. Adno z hałoŭnych jaho ŭražańniaŭ — nabližeńnie sapraŭdnaj katastrofy. I heta — nie pandemija karanavirusa.
22 krasavika, Rečycki rajon, kraj vioski Azierščyna. Pobač z darohaj — sapraŭdnyja piasčanyja vydmy.
Takaja karcinka charakternaja dla Turkmienistana, dla Biełarusi heta dzikaść, tamu aŭtar zafiksavaŭ źmieny ŭ našaj pryrodzie.
«23 krasavika vyjechaŭ z Rečycy ŭ bok Łojeva. Paśla trasy Homiel — Brest naziraju sapraŭdnuju pylnuju buru», — piša Płytkievič.
Abapał darohi takija ž samyja vydmy.
Kala vioski Krasny Most možna ŭbačyć pole dziŭnaj kanfihuracyi i koleru.
Usia sprava ŭ tym, što častka pola zasypanaja piaskom.
Azimyja rastuć na piasku?
Nie, viadoma. Pa hetym kadry vidać, jak adčuvajuć siabie raśliny, kali ŭradlivaja ziamla nakryvajecca płastom piasku. Kolki siezonaŭ pratrymajecca jašče heta pole, pierš čym pieratvorycca ŭ pustyniu?
Biarozki na ŭźmiežku pola z azimymi.
A na dalokim krai pola ŭzmacniajecca viecier — i ŭ pavietra padymajecca piasok.
Traktar u hetaj situacyi hladzicca jak miraž.
Ale na samaj spravie — usio realna! Ludzi sadziać bulbu! Kałhas «50 hadoŭ Kastryčnika» akazvaje dapamohu viaskoŭcam na asabistych padvorkach.
Pole nakryvaje pylnaja bura.
Dychać niemahčyma, ludzi chavajucca pa mašynach.
Paryvy vietru spyniajucca.
I znoŭ možna zdymać vydmy…
Miaža Rečyckaha i Łojeŭskaha rajonaŭ.
Karcinka identyčnaja.
A heta ŭskraina horada Łojeva, vyjezd na Brahin.
Znak «Sastupi darohu». Kamu? Nastupu piasku?
Chojnicki rajon, daroha na Mazyr.
«Što ž vy narabili, palešuki?» — dumaje hety kazačny hieroj u vioscy Zahaćcie.
Ale samyja simvaličnyja kadry, mnie zdajecca, vychodziać na radzimie piśmieńnika Ivana Mieleža — aŭtara ramana «Ludzi na bałocie».
Pra bałoty daŭno ŭsie zabylisia, ciapier jaho rodnuju viosku zasypaje piaskom. Muziej u samym centry vioski, tamu tut piasčanaja bura nie takaja bačnaja.
A voś zialonaj travy pad kvitniejučymi sadami na ŭskrainie, padobna, chutka nie budzie…
Miescami znoŭ miacie nie śnieh, a piasok. Zdymać možna tolki z mašyny.
Pole ŭ Kalinkavickim rajonie. Usio taja ž karcina pry ŭzmacnieńni vietru.
