MAP: pałova žycharoŭ śvietu mohuć zastacca biez pracy i srodkaŭ praz karancin
Fota Nadziei Bužan
Kali bolšaść krainaŭ padoŭžać nacyjanalnyja karanciny praz karanavirus, biez srodkaŭ da isnavańnia zastanucca bolš za paŭtara miljarda čałaviek — heta pałova ŭsich rabočych ruk u śviecie. Pra heta havorycca ŭ śpiecyjalnym dakładzie Mižnarodnaj arhanizacyi pracy (MAP), piša «Radyjo Svaboda».
U asnoŭnym havorka idzie pra ludziej, jakija pracujuć u cieniavych i niefarmalnych siektarach ekanomiki, śćviardžajecca ŭ dakumiencie. Adnak kala 300 miljonaŭ čałaviek, jakija majuć aficyjnuju lehalnuju pracu, taksama ryzykujuć akazacca biespracoŭnymi.
Pavodle acenak MAP, va ŭsim śviecie z prablemami sutyknulisia ŭžo bolš za 436 miljonaŭ kampanij. Heta 232 miljony handlovych firmaŭ, 111 miljonaŭ pradpryjemstvaŭ apracoŭčaj pramysłovaści, 51 miljon kampanij śfiery absłuhoŭvańnia (restaranny abo hatelny biznes) i 42 miljony ahienctvaŭ i firmaŭ, źviazanych z kuplaj i prodažam nieruchomaści.