U Minsku 29 krasavika abmiažujuć ruch transpartu na čas trenirovak paradu
Uviečary 29 krasavika ŭ Minsku budzie pravodzicca treniroŭka pa maršrucie ruchu miechanizavanaj kałony. U suviazi z hetym aryjencirovačna ad 21:50 da 00:30 30 krasavika buduć paetapna ŭvodzicca časovyja abmiežavańni ruchu ŭsich vidaŭ transpartu, piša BiełTA.
Da 23.30, na čas, kali budzie farmiravacca kałona, zakryvajecca ruch na praśpiekcie Mašerava ad praśpiekta Pieramožcaŭ da vulicy Kujbyšava i źmianiajucca trasy niekatorych haradskich aŭtobusnych maršrutaŭ.
A mienavita: aŭtobusy №29, 44, 136, 1002-TK pajeduć pa vulicach Kujbyšava, Janki Kupały, Bahdanoviča, Niamiha, pr. Pieramožcaŭ u abodvuch napramkach, z vykanańniem prypynačnych punktaŭ «St. M. Niamiha», «Pałac sportu», «Haścinica Jubilejnaja». A pa maršrutach №18 i 26 ruch aŭtobusaŭ arhanizujecca pa vulicach Kisialova, Bahdanoviča, Charužaj, Čarviakova ŭ pramym napramku, pa vulicach Čarviakova, V. Charužaj, Kujbyšava, Kisialova — u zvarotnym, z vykanańniem usich prypynačnych punktaŭ na źmienienym učastku.
Paśla 23:00, na čas pieramiaščeńnia kałony, mianiajucca trasy inšych maršrutaŭ pasažyrskaha transpartu.
Aŭtobusy №163 pajeduć pa vulicach Mielnikajte, Kalvaryjskaja ŭ abodvuch napramkach, z vykanańniem usich prypynačnych punktaŭ na źmienienym učastku.
Tralejbusy №14, 58 nakirujucca pa vuł. Alšeŭskaha, pr. Puškina, vulicach Prytyckaha, Kalvaryjskaja ŭ abodvuch napramkach. A maršruty tralejbusaŭ №39 i 77 skaračajucca da raźviazki pr. Pieramožcaŭ z vuł. Arłoŭskaja.
Dla astatnich maršrutaŭ pasažyrskaha transpartu ŭ asobnych miescach pierakryćcia ŭčastkaŭ daroh budzie praduhledžany karotkačasovy prypynak: na pr. Mašerava ad vuł. Kujbyšava da vuł. Cimirazieva; pa vuł. Cimirazieva ad pr. Mašerava da vuł. Sapioraŭ; vuł. Sapioraŭ na ŭsim praciahu; pr. Pieramožcaŭ ad vuł. Sapioraŭ da transpartnaj raźviazki z vuł. Arłoŭskaj.
