10 hadzin muzyki: marafon «Dabro live» sabraŭ 22 tysiačy rubloŭ dla miedykaŭ FOTA, VIDEA
16 krasavika ŭ Minsku prajšoŭ 10-hadzinny dabračynny marafon «Dabro», arhanizavany brendam Xiaomi ŭ Biełarusi i Novym radyjo. Amal dva dziasiatki biełaruskich artystaŭ vystupili ŭ žyvym efiry, kab sabrać srodki dla nabyćcia biełaruskim miedykam usiaho nieabchodnaha dla baraćby z karanavirusam.
UZARI
Marafon padtrymali Ania Šarkunova, VAL, Maks Łorens, Nuteki, UZARI, Litesound i inšyja muzyki. Jany vychodzili ŭ žyvy efir sa studyi łajf-spot Sound Cafe, a taksama sa svaich kvater, znachodziačysia ŭ režymie samaizalacyi. Śpiecyjalnym hościem marafona «Dabro» staŭ Maks Barskich, vykazaŭšy svaju salidarnaść ź biełarusami. Usie 10 hadzin non-stop marafon viali dydžei «Novaha radyjo» Saša Kozyraŭ i Dzima Łaŭroŭ.
Dydžej «Novaha radyjo» Saša Kozyraŭ
VAL
Padčas marafonu da jaho dałučylisia bolš za 3000 hledačoŭ z usich haradoŭ Biełarusi, šmat ź ich pieraviali hrošy na dabračynny rachunak. Hetyja srodki byli pieradadzienyja fondam «Dabro» u minski «Chakierśpiejs», vałanciory jakoha štodnia vyrablajuć srodki abarony dla miedykaŭ.
Lima Osta
Litesound
Dzianis Jelizaraŭ, namieśnik dyrektara pa markietynhu Xiaomi Biełaruś, tak prakamientavaŭ marafon: «My dziakujem artystam, «Novamu radyjo» i ŭsim tym, chto dapamoh, pieravioŭšy na rachunak srodki. Zaraz vielmi važna abaranić miedykaŭ, i tolki našymi ahulnymi namahańniami my možam heta zrabić. Usie my razumiejem, nakolki lekaram ciažka, bo jany ryzykujuć svaim žyćciom dziela nas z vami. My viedajem, što mnohija brendy i arhanizacyi ŭnosiać pasilnuju dapamohu i ŭpeŭnienyja, što ich budzie stanavicca bolš. Dabro pavinna abjadnoŭvacca - tolki tak my pieraadolejem hety ciažki pieryjad».
U miežach marafonu brend Xiaomi pieravioŭ 20000 biełaruskich rubloŭ na rachunak minskaha «Chakierśpiejsa» dla zakupki abstalavańnia, materyjałaŭ i vyrabu srodkaŭ indyvidualnaj abarony dla biełaruskich miedykaŭ.
Anna Šarkunova
Parade of Planets
Takija muzyčnyja marafony nie tolki pryciahvajuć uvahu i abjadnoŭvajuć ludziej, jany natchniajuć rabić dabro kožnaha z nas. Tak, UZARI paviedamiŭ ab tym, što častka srodkaŭ ad prodažu alboma «Padziaka serca» budzie taksama pieradadziena ŭ fond dapamohi abarony miedykaŭ ad COVID-19.
Mikita
«Vielmi važna, što ŭ taki nialohki čas mnohija ludzi nie hublajuć siły duchu, stanoviacca macniej. Šmat chto hatovy prykładać maksimum namahańniaŭ, kab našy miedyki viartalisia dadomu zdarovymi», — padzialiŭsia emocyjami ad 10-hadzinnaha dabračynnaha prajekta dyrektar «Novaha radyjo» Uładzimir Bohdan.
Tranślacyja i rekvizity dla dabračynnych pieraličeńniaŭ dastupnyja i siońnia na sajcie https://dobrolive.by/
Ivent-partnioram marafonu vystupiła ahienctva «4 Vymiareńnie», PR-partnior littleMORE.
Vassel & Rooby
Nuteki
SOBOL
Maks Łorens
Dzima Kaminski
Kirył Hud
Volha Saciuk
Jahor Kan
