Bijołah apisała nastupstvy karanavirusa dla mozhu i lohkich
Daktary fiksujuć pamianšeńnie abjomu lohkich i paharšeńnie pracy mozhu ŭ pacyjentaŭ, jakija ŭ ciažkaj formie pieranieśli karanavirus, paviedamiła ria.ru prafiesar Škoły sistemnaj bijałohii Univiersiteta Džordža Mejsana (ZŠA) Anča Baranava.
«U niekatoraj častki ludziej paśla ciažkaj formy karanavirusnaj infiekcyi źnižajecca žyćciovaja jomistaść lohkich. Maładyja ludzi marafon nie mohuć bolš biehać, a bolš stałyja dychavicu adčuvajuć, kali pa leśvicy padymajucca. Znoŭ ža nie va ŭsich, a tolki ŭ tych, chto pieranios ciažkuju formu, i navat u hetym vypadku nie va ŭsich, a tolki ŭ tych, kamu asabliva nie paščaściła», — skazała Baranava.
Jana taksama adznačyła, što ŭ chvorych ź ciažkim ciačeńniem COVID-19 nazirajecca šmat nieŭrałahičnych simptomaŭ.
«Naprykład, u ludziej stałaha vieku ź ciažkim ciačeńniem byvaje zbłytanaść śviadomaści i dezaryjentacyja. Zdolnaść virusa vyklikać niejrazapaleńnie sumnievaŭ nie vyklikaje. Chvoryja paviedamlajuć, što navat paśla vypiski sa špitala, zastajucca stomlenaść i tuman u hałavie», — udakładniła Baranava.
Bijołah adznačyła, što pakul nie jasna, jak doŭha mohuć zachoŭvacca hetyja nastupstvy chvaroby.
