Ź siońniašniaha dnia ŭ Litvie našeńnie masak stała abaviazkovym
10 krasavika ŭ Litvie ŭstupiła ŭ siłu patrabavańnie ŭrada, źviazanaje z našeńniem masak ci inšych srodkaŭ abarony dla tvaru ŭ hramadskich miescach, piša Delfi.lt.
Delfi.lt
Z hetaha času ŭ hramadskich miescach «treba nasić srodki abarony, jakija zakryvajuć rot i nos (maski, reśpiratary i inš.)». Raniej heta było tolki rekamiendacyjaj. Za parušeńnie novaha paradku pahražaje štraf jak za parušeńnie praviłaŭ karancinu — ad 500 da 1000 jeŭra, dla jurydyčnych asob — ad 1500 da 6000 jeŭra.
I premjer-ministr Litvy Saŭlus Skviarnialis, i hienkamisar Renatas Pažeła zapeŭnili, što palicyja nie budzie śpiašacca z pryznačeńniem štrafu, kožnuju situacyju budzie razhladać asobna.
Akramia taho, 10 krasavika ŭ 20:00 ustupaje ŭ siłu jašče adno abmiežavańnie — budzie zakryty ŭjezd u harady dla tych, chto nie źjaŭlajecca ich žycharom ci nie vałodaje ŭ ich nieruchomaściu. Heta abmiežavańnie ŭviali na try dni, kab spynić pieramiaščeńnie žycharoŭ na Vialikdzień.