Ułady pryznali zaražeńni miedrabotnikaŭ u Viciebsku i vostry deficyt srodkaŭ indyvidualnaj abarony

U Viciebskaj vobłaści 38 miedycynskich rabotnikaŭ zarazilisia karanavirusam. Bolšaść zachvarełych — u Viciebsku. Takija źviestki ahučyli 7 krasavika na pasiadžeńni abłasnoha apieratyŭnaha štaba pa abaronie ad COVID-19, paviedamlaje teleradyjokampanija «Viciebsk».

Akramia taho, mnohija miedrabotniki adsutničajuć na pracy — z-za taho, što chvarejuć na inšyja virusnyja infiekcyi i na zapaleńnie lohkich. «I siońnia heta vialikaja prablema dla ŭsich rehijonaŭ vobłaści», — adznačyli ŭ repartažy.

Srodkaŭ indyvidualnaj abarony dla miedykaŭ u Viciebskaj vobłaści «vostra nie chapaje», adna z klučavych zadač — zabieśpiačeńnie daktaroŭ i miedsiaścior srodkami indyvidualnaj abarony.

NN.by

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0