Biazdomnik prabraŭsia ŭ kvateru, skraŭ rečy i prykinuŭsia milicyjanieram
Biazdomny pasiarod nočy prakraŭsia ŭ kvateru, dźviery jakoj byli nie začynieny, i skraŭ hrošy i asabistyja rečy haspadaroŭ, raspaviali «Minsk-navinam» u prakuratury Minska.
— Žančyna, pačuŭšy ŭ domie čyjeści kroki, razbudziła muža, — raspaviadaje staršy pamočnik prakurora horada Minska pa pravavym zabieśpiačeńni, infarmacyi i hramadskich suviaziach Natalla Kosač. — Mužčyna vyjšaŭ u kalidor i zastaŭ tam złamyśnika.
Toj nie razhubiŭsia i paviedamiŭ, što źjaŭlajecca supracoŭnikam orhanaŭ unutranych spraŭ, i, nie źviartajučy ŭvahi na ździŭlenaha haspadara, śpiešna syšoŭ. Adnak daloka syści nie paśpieŭ: jaho zatrymali paciarpiełyja, jakija i vyklikali sapraŭdnych milicyjantaŭ.
— U dačynieńni da zatrymanaha była raspačata kryminalnaja sprava pa č. 2 art. 205 KK Respubliki Biełaruś (kradziež). Dziaržaŭny abvinavaŭca prapanoŭvała sudu pryznačyć pakarańnie ŭ vyhladzie abmiežavańnia voli z nakiravańniem u vypraŭlenčuju ŭstanovu adkrytaha typu na 2 hady.
Sud pryznačyŭ jamu aryšt na 3 miesiacy.
