Minadukacyi raić školnikam na kanikułach abmiežavać kantakty
Fota Nadziei Bužan
Ministerstva adukacyi rekamienduje školnikam na kanikułach abmiežavać kantakty i zaniacca samaadukacyjaj, paviedamiła BIEŁTA pres-sakratar viedamstva Ludmiła Vysockaja.
«Z praciaham na tydzień školnych kanikuł va ŭstanovach adukacyi praciahnuć pracu školnyja łahiery, dzie z navučencami buduć zajmacca piedahohi. Naturalna, łahiery arhanizavany z zachavańniem usich nieabchodnych mier biaśpieki, — skazała Ludmiła Vysockaja. — Kali ž dzieci na kanikułach zastalisia doma, to nieabchodna vykonvać miery biaśpieki, uklučajučy elemientarnyja hihijeničnyja normy, abmiežavańni ŭ pieramiaščeńni i kantaktach. Akramia taho, rekamiendujem školnikam zaniacca samaadukacyjaj z vykarystańniem jak vučebnych dapamožnikaŭ, tak i internet-nośbitaŭ».
Jak paviedamlałasia, terminy viasnovych kanikuł praciahnuty na 6 dzion — z 6 pa 11 krasavika ŭklučna. Adukacyjny praces u čaćviortaj čverci budzie doŭžycca z 13 krasavika pa 30 maja.
