Hałoŭny trenier BATE pra situacyju z čempijanatam: Niama ničoha daražejšaha za čałaviečaje žyćcio
fcbate.by
Hałoŭny trenier BATE Kirył Alšeŭski paśla ŭčorašniaha matča z «Rucham» (1:0) padzialiŭsia mierkavańniem pra toje, ci varta prypyniać čempijanat z-za karanavirusa, paviedamlaje pressball.by.
— 300 čałaviek na matčy doma. Dla kaho hulać? Moža, varta prypynić čempijanat?
— My hulali i dla kožnaha z tych, chto naziraŭ za matčam z boku. Maja pazycyja?.. Ničoha niama daražejšaha za čałaviečaje zdaroŭje i žyćcio. Kali jość pahroza, treba reahavać. Ale my ludzi ŭ niekatorym rodzie padniavolnyja i nie možam prosta admovicca vychodzić na pole. Samy vialiki hruz adkaznaści niasuć miedyki, im vialiki reśpiekt. Nie zaŭsiody heta pryvodzić da ščaślivaha vyniku. Nam zastajecca tolki hulać i prynosić stanoŭčyja emocyi.
— Ci napružvaje nievyraznaja situacyja ź jeŭrakubkami? Jany ž krynica finansaŭ…
— Zastajecca tolki sačyć i reahavać na padziei. Usio ŭ roŭnych umovach. Tamu skardzicca nie zusim pravilna, — skazaŭ Alšeŭski.
