U vychadnyja jašče chałodna, a potym paciapleje
Fota Julii Mickievič
U vychadnyja paŭnočna-zachodnija viatry pryniasuć sa Skandynaŭskaha paŭvostrava ŭ Biełaruś chaładnavatyja pavietranyja masy. Pra heta TUT.BY paviedamili ŭ Biełhidramiecie Minpryrody.
U subotu, 4 krasavika, miescami nievialikija karotkačasovyja apadki — doždž, mokry śnieh. Nočču i ranicaj na asobnych učastkach daroh hałalodzica. Viecier zachodni, paŭnočna-zachodni nočču słaby, dniom — paryvisty. Nočču -3…+3°S, maksimalnaja dniom +7…+13°S. Atmaśfierny cisk pačnie intensiŭna raści.
U niadzielu ŭ asnoŭnym budzie biez apadkaŭ, tolki nočču na poŭnačy krainy mahčymy nievialiki karotkačasovy śnieh. Nočču 0…-6°S; dniom ad + 5°S na paŭnočnym uschodzie da +13°S na zachadzie.
U pačatku nastupnaha tydnia situacyja pačnie mianiacca. Nadvorje voźmie kurs na viasnu. Tempieratura štodnia budzie pavyšacca.
6 krasavika ŭ paniadziełak nočču -1…-8°S, dniom +12…+19°S.
U aŭtorak nočču -2…+4°S, dniom +15…+20°S.
8 krasavika, u sieradu, nočču 0…+6°S, dniom +13…+18°S, miescami na poŭdni da +20°S.
Fon atmaśfiernaha cisku budzie vysokim, tamu na dvare budzie biez apadkaŭ i čakajecca mała abłokaŭ.
