Na klimavickuju trenierku, jakaja abraziła biełaruskuju movu, padali ŭ sud. I ŭsio ž pazbavili premii
Tydzień tamu sacyjalnyja sietki ablacieła abraźlivaje videa pra biełaruskuju movu, jakoje zapisała Ina Kardabniova z ahraharadka Cimanava pad Klimavičami. U im piedahoh aburałasia, što jaje synu davodzicca vučyć u škole hety «nikomu niepatrebny pradmiet», a paśla dzieci z hłybinki pakutujuć ad «kałhasnaha akcentu».
Ina Kardabniova. Fota z sacyjalnych sietak.
Videa nabrała bolš za 30 tysiač prahladaŭ i jak minimum 6 tysiač dyzłajkaŭ. Praź niekalki dzion jano było vydalena.
Čytajcie. «Dzicia nie zapaminaje hetych debilnych słovaŭ». Piedahoh z-pad Klimavičaŭ zapisała aburalnaje VIDEA pra biełaruskuju movu
Kiraŭnictva Klimavickaj dziciača-junackaj spartyŭnaj škoły vyklikali na razmovu ŭ rajvykankam.
«Naša Niva» daviedałasia, čym skončyłasia sprava.
«Administracyja škoły depremiravała piedahoha. Pa sudovych raźbiralnictvach pakul jašče niama vyniku. Na piedahoha było niekalki zajaŭ — jak vusnych, tak i dasłanych pa internecie», — raskazaŭ zahadčyk siektara sportu i turyzmu Klimavickaha rajvykankama Ravil Sabiraŭ.
Z krasavika Ina Kardabniova ŭžo nie pracuje ŭ škole, bo syšła ŭ vodpusk pa dohladzie za dziciem.
Ravil Sabiraŭ dadaŭ, što vykazvańni na tym videa — nie pazicyja škoły, a pazicyja kankretnaha čałavieka.
«Treba pavažać svaju movu», — padsumavaŭ jon.
Cikava, što praź niekalki dzion paśla skandału ŭ klimavickaj rajoncy vyjšaŭ artykuł pra ŭpłyŭ rodnaj movy na čałavieka. Siarod tych, chto vykazaŭsia, byŭ dyrektar Cimanaŭskaj siaredniaj škoły i pieršy sakratar rajonnaha BRSM.
