Biełaruskija deputaty ratyfikavali vizavaje pahadnieńnie ź ES
Pałata pradstaŭnikoŭ Biełarusi ratyfikavała siońnia pahadnieńnie ź ES ab spraščeńni vydačy viz, pieradaje BiełTA.
Vizavaje pahadnieńnie praduhledžvaje ŭzajemnaje palahčeńnie pracedur dla šyrokaj katehoryi hramadzian i źnižeńnie zboru.
Košt «šenhiena» dla biełarusaŭ źnizicca da 35 jeŭra, a rašeńnie ab vydačy vizy budzie prymacca ŭ termin da 10 dzion (u vypadku dadatkovaj pravierki termin moža pavialičycca da 30 dzion). Šmat jakija katehoryi hramadzian u zaležnaści ad mety pajezdki zmohuć źviartacca pa vizu biez vypłaty zboru i atrymlivać šmatrazovyja vizy z bolš doŭhim terminam dziejańnia ŭ sproščanym paradku. Biełaruskaja viza dla hramadzian ES taksama patańnieje da 35 jeŭra. Akramia taho, budzie pavialičany pieralik padstaŭ dla vydačy biaspłatnych viz u niekamiercyjnych metach. Termin znachodžańnia zamiežnikaŭ u Biełarusi pavialičycca ŭ dva razy: z 90 dzion u hodzie (ciapier) da 180.
Dakumienty pačnuć dziejničać u pieršy dzień druhoha miesiaca paśla daty paviedamleńnia bakami adzin adnamu ab zaviaršeńni pracedur ratyfikacyi. Miarkujecca, što vizavaje pahadnieńnie ŭstupić u siłu ŭ červieni.
