Źniavolenyja 120 rasijskich kałonij buduć šyć miedycynskija maski
Zvyš 120 papraŭčych kałonij RF z 7 krasavika razhornuć vytvorčaść miedycynskich masak, nieabchodnych dla abarony ad karanavirusa, u troch kałonijach ŭ aŭtorak užo pašyli 132 tysiačy masak, piša tass.ru. Jak adznačaje kiraŭnik kamiteta Savieta Fiederacyi RF pa ekanamičnaj palitycy Andrej Kuciepaŭ, zahruzka zamovami ŭstanoŭ sistemy vykanańnia pakarańniaŭ Rasii ŭ pieryjad pandemii dazvolić kompleksna vyrašyć pytańni raźvićcia vytvorčaści, zahruzki mahutnaściaŭ słužby, pracoŭnaj adaptacyi asudžanych, najaŭnaści ŭ asudžanych zarabotnaj płaty, što dazvolić hasić iskavyja patrabavańni i papaŭniać biudžet. Pieravahaj źjaŭlajecca i mahčymaść zabieśpiačeńnia kruhłasutkavaj vytvorčaści.
Na pasiadžeńni Savieta fiederacyi RF u aŭtorak śpikier pałaty Valancina Maćvijenka vystupiła z prapanovaj dazvolić na pieryjad pandemii vytvorčaść miedycynskich masak i srodkaŭ dezynfiekcyi bieź licenzii, u pryvatnaści, vykarystoŭvać mahčymaści sistemy vykanańnia pakarańniaŭ.
