Urad: Rost cen na tavary i taryfaŭ na pasłuhi — nie bolš za 0,5% štomiesiac
Fota Nadziei Bužan
Urad pryniaŭ pastanovu «Ab časovych mierach pa stabilizacyi situacyi na spažyvieckim rynku».
Minbudarchitektury, Ministerstvu achovy zdaroŭja, Minlashasu, Minpramu, Minsielhascharču, «Biellehpramu», «Biellespapierapramu», «Biełdziaržcharčpramu», «Biełnaftachimu», inšym respublikanskim orhanam dziaržkiravańnia i inšym dziaržarhanizacyjam, padparadkavanym uradu, abłvykankamam i Minskamu harvykankamu nieabchodna nie dapuskać rostu adpusknych cen i taryfaŭ na tavary i pasłuhi, što akazvajucca padparadkavanymi arhanizacyjami, vyšej za 0,5 pracenta štomiesiac. Taksama im treba zabiaśpiečyć pastaŭki vyrablajemaj pradukcyi ŭ roźničnuju handlovuju sietku pad patrebnaść unutranaha rynku. Jurydyčnym asobam usich form ułasnaści i IP, jakija ažyćciaŭlajuć vytvorčaść, uvoz i realizacyju tavaraŭ na ŭnutranym rynku abo akazvajuć pasłuhi, taksama treba nie dapuskać pavyšeńnia cen i taryfaŭ vyšej za 0,5 pracenta štomiesiac.
Pavyšeńnie cen vyšej za ŭstanoŭlenuju miažu dapuskajecca tolki pa ŭzhadnieńni z Kamisijaj pa pytańniach dziaržaŭnaha rehulavańnia cenaŭtvareńnia pry Saviecie Ministraŭ. Akramia taho, dziaržaŭnyja orhany (arhanizacyi), jakija ažyćciaŭlajuć rehulavańnie cen (taryfaŭ) u adpaviednaści z zakanadaŭstvam, nie pavinny ich pavyšać biez adpaviednaha ŭzhadnieńnia z kamisijaj.
Pastanova budzie dziejničać da 30 červienia 2020 hoda.
