Šerynh samakataŭ raskazaŭ pra dadatkovyja funkcyi, jakija źjaviacca ŭ novym siezonie
U sakaviku pačaŭsia novy siezon šerynhu elektrasamakataŭ. «Naša Niva» raspytała ŭ kikšerynhu «Eleven» pra novaŭviadzieńni i toje, jak kampanija pracuje va ŭmovach karanavirusa.
fota Nadziei Bužan
U šerynhu raskazali, što ich pasłuhami ciapier karystajucca aktyŭna, bo samakat ciapier — samy biaśpiečny transpart dla tych, chto nie choča karystacca hramadskim transpartam, kab kantaktavać ź inšymi padčas pajezdki.
«Adzinaja naša parada — apracoŭvać ruki paśla pajezdki, a lepš — jeździć u adnarazovych humovych palčatkach. My apracoŭvajem ručki samakataŭ, kali stavim ich na zaradku. Zrazumieła, što nie možam rabić heta kožny raz, tamu rekamiendujem myć ruki paśla pajezdki».
U kampanii taksama raspaviali, što ŭsiu kamandu raspracoŭki pieraviali na addalenuju pracu jašče ŭ siaredzinie sakavika.
«Što tyčycca kamandy z 15 čałaviek, jakaja absłuhoŭvaje park samakataŭ — jaje pieravieści na addalenuju pracu niemahčyma, — raskazvajuć u šerynhu. — Kab zaścierahčy kalehaŭ, my zakupili septyki, kab rehularna pracirać ruki.
Taksama ž u kampanii zakupili termomietry: mierajuć tempieraturu pierad źmienaj i paśla, a ludzi, jakija zaradžajuć samakaty, jeździać u mašynach pa adnym (u zvyčajny čas jeździli ŭdvuch).
U novym siezonie kampanija płanuje dazvolić klijentam arandavać da piaci samakataŭ z adnaho telefona, uvieści režym paŭzy, broń dvuch samakataŭ da 15 chvilin i skanavańnie apłatnaj karty dla bolš zručnaj rehistracyi. Letam Eleven płanuje pavialičyć park u dva razy.
Tym časam šerynh Kolobike jašče nie pačaŭ novy siezon.
