U žančyny ź Vilejki padazrajuć karanavirus. Jaje adpravili ŭ Minsk
Pra heta 30 sakavika raspaviała kraj.by namieśnik staršyni Vilejskaha rajvykankama pa sacyjalnaj śfiery Śviatłana Dziaruha.
— My pracujem. Žančynu adpravili ŭ Minsk z padazreńniem na karanavirus. Byccam by jana zaraziłasia. Heta pakul usia infarmacyja, jakuju ja mahu paviedamić, — skazała Śviatłana Dziaruha.
Hałoŭny doktar Vilejskaj centralnaj rajonnaj balnicy Iryna Makarava nie paćviardžaje, ale i nie abviarhaje fakt pieršaha ŭ Vilejcy zaražeńnia karanavirusam.
— Jość zahad Ministerstva achovy zdaroŭja, zhodna ź jakim my nie ŭpaŭnavažany davać takuju infarmacyju, — kaža Iryna Makarava. — My zajmajemsia prafiłaktykaj i abaronaj ludziej. Kolki ludziej zaraziłasia, kali i jak, moža ahučvać tolki Ministerstva. Ja skažu tolki, što ŭ Vilejcy padstaŭ dla paniki na siońnia niama.
Pavodle apošnich źviestak, u Biełarusi zafiksavali 152 vypadki karanavirusa.
