Kitaj zabaraniŭ ujezd zamiežnych hramadzian
Hety krok maje praduchilić ryzyku zaniasieńnia karanavirusa z-za miažy.
Z 28 sakavika Kitaj zabaraniŭ zamiežnym hramadzianam ź vizami ci dazvołam na žycharstva ŭjazdžać u krainu i rezka abmiežavaŭ avijazłučeńnie z zamiežžam.
Pandemija karanavirusa pačałasia z Kitaja ŭ śniežni, ale krainie ŭdałosia spynić jaho raspaŭsiud, praktyčna spyniŭšy ekanamičnaje žyćcio ŭ mnohich rehijonach krainy z 24 studzienia da sakavika. Pavodle acenak ekśpiertaŭ, vałavy ekanamičny pradukt krainy ŭ pieršym kvartale moža skaracicca navat na 10-11 pracentaŭ.
U intervju časopisu Science Džordž Hao, hienieralny dyrektar Kitajskaha centra kantrolu i prafiłaktyki chvarob, zaklikaŭ ludziej masava nasić maski, kab spynić raspaŭsiud virusa.
«Vialikaja pamyłka ZŠA i Jeŭropy, na maju dumku, što ludzi nie nosiać masak, — skazaŭ Hao. — Mnohija ludzi mohuć być bieśsimptomnymi ci presimptomnymi nośbitami infiekcyi. Kali b jany nasili maski, kropielki ź virusam nie raźlatalisia b vakoł ich i virus nie zaražaŭ by inšych».
Apošnija dni ŭsie vyjaŭlenyja vypadki karanavirusa ŭ Kitai byli źviazanyja ź ludźmi, jakija viarnulisia z-za miažy. U apošni čas u Padniabiesnaj štodzień rehistrujucca pa 30-75 vypadkaŭ infiekcyi. I praciahvajuć pamirać ludzi, jakija zarazilisia padčas pieršaj chvali pandemii.
Usiaho ŭ śviecie kolkaść achviar karanavirusa pieravysiła 27 tysiač čałaviek.
