Urad: Usie, chto pryjazdžaje ŭ Biełaruś, pavinny pajści na karancin na dva tydni
Saŭmin Biełarusi vyznačyŭ miery pa praduchileńni zavozu i raspaŭsiudžvańnia infiekcyi, vyklikanaj karanavirusam COVID-19, paviedamlaje pres-słužba viedamstva.
Jak havorycca ŭ pastanovie Savieta ministraŭ, usie ludzi, jakija prybyli ŭ Biełaruś z krain, dzie rehistrujucca vypadki infiekcyi COVID-19, na praciahu 14 kalandarnych dzion z dnia pryjezdu:
— pavinny znachodzicca ŭ samaizalacyi ŭ chatnich umovach;
— nie padlahajuć nastupnamu propusku praź miažu Biełarusi (da zakančeńnia terminu samaizalacyi).
Hetyja miery nie raspaŭsiudžvajucca na:
— supracoŭnikaŭ dypłamatyčnych pradstaŭnictvaŭ, konsulskich ustanoŭ zamiežnych dziaržaŭ u Biełarusi i akredytavanych pa sumiaščalnictvu z rezidencyjami ŭ inšych krainach, mižnarodnych arhanizacyj i ich pradstaŭnictvaŭ, raźmieščanych na terytoryi Respubliki Biełaruś, a taksama členaŭ ich siemjaŭ;
— kiraŭnikoŭ i členaŭ aficyjnych delehacyj;
— kiroŭcaŭ transpartnych srodkaŭ pry vykanańni mižnarodnych aŭtamabilnych pieravozak hruzaŭ;
— členaŭ ekipažaŭ pavietranych sudoŭ, sudoŭ unutranaha vodnaha transpartu, ciahnikovych bryhad, łakamatyŭnych bryhad mižnarodnych čyhunačnych znosin;
— zamiežnikaŭ, jakija iduć tranzitam praz terytoryju Biełarusi dla viartańnia da miesca žycharstva.
