Čempijanat śvietu pa chakiei ŭ Minsku i Ryzie mohuć pieranieści na hod
Čempijanat śvietu ŭ Minsku i Ryzie, jaki maje adbycca ŭ 2021 hodzie, moža być pieraniesieny na hod. Pra heta paviedamlaje pres-słužba Fiederacyi chakieja Biełarusi.
Ab pieranosie turniraŭ z-za admieny forumu ŭ Šviejcaryi zajaviŭ Prezident IIHF Rene Faziel. Pavodle jaho słoŭ, u ciapierašnich umovach niemahčyma pravieści čempijanat: usio lihi, navat KCHŁ i NCHŁ, za vyklučeńniem čempijanatu Biełarusi, admienieny.
— Pakul rana kazać pra toje, kali budzie praviedzieny hety čempijanat, treba sačyć za situacyjaj krok za krokam. Usie dalejšyja rašeńni budzie prymać rada IIHF, u nas kantrakt ź Biełaruśsiu i Łatvijaj na nastupny hod, ź Finlandyjaj na 2022-y. Na siońniašni dzień status taki: nastupny čempijanat projdzie ŭ Biełarusi i Łatvii, ale ŭsio moža pamianiacca, — skazaŭ na zakančeńnie Faziel.
21 sakavika stała viadoma ab tym, što čempijanat śvietu — 2020 u Łazanie i Ciurychu admianili z-za pandemii karanavirusa. U 2021 hodzie turnir pavinien prajści ŭ Biełarusi i Łatvii, u 2022-m — u Finlandyi, u 2023-m — u Rasii, u 2024-m — u Čechii, ŭ 2025-m — u Šviecyi i Danii.
