«Mnie strašna». Biełarusku, jakaja miełasia vylatać z Vjetnama, pakinuli na prymusovy karancin

Biełaruska Taćciana Ivaševič, jakaja viadzie ŭ svaim instahramie błoh pra padarožžy, trapiła ŭ niepryjemnuju situacyju ŭ Vjetnamie ŭ suviazi z raspaŭsiudžvańniem karanavirusa.

View this post on Instagram

MIANIE NIE PUSKAJUĆ DADOMU ⠀ Mnie składana zaraz skłaści ŭsie dumki razam i napisać niešta zrazumiełaje. Ale ja pasprabuju ⠀ Ja znachodžusia ŭ horadzie Chanoj užo niekalki dzion. Ja ŭžo raspaviadała, nakolki žorstka ŭrad Vjetnama vyrašyŭ zmahacca ź virusam: Mašyny, jakija dystancyjna vymiarajuć tempieraturu minakoŭ, vialikaja kolkaść vajskoŭcaŭ, miedyki ŭ kaściumach chim abarony. Taksama vas prymusiać ustalavać mabilny dadatak, jaki budzie adsočvać vašuju hieałakacyju. Kali vaša tempieratura vyšej za 37.3, vas prymusova adviazuć u špital ⠀ Karaciej, situacyja ŭ krainie vielmi stresavaja, i ja maryła chutčej apynucca doma, bo ŭ hetaj krainie ja nie adčuvaju siabie ŭ biaśpiecy ⠀ Moj vylet pavinien byŭ adbycca ŭ niadzielu, 22 sakavika ŭ 08:55 ranicy ⠀ U piatnicu, prykładna 22:00 da mianie ŭ numar pryjšła menedžerka hatela i skazała, što ja bolej nie mahu pakidać svoj pakoj. Jany atrymali zahad ad ŭrada krainy i pavinny ŭtrymlivać mianie na karantynie da 27 sakavika, niahledziačy na toje, što maje kvitki na samalot nabyty na 22 sakavika ⠀ U subotu, u 08:00 ranicy ja adpraviła elektronny list na poštu ambasady Biełarusi va Vjetnamie. Adkazu ja nie atrymała ⠀ Praź niekalki hadzin u moj numar pryjšła menedžerka i skazała, što ŭ pakoi buduć pravodzić dyzinfiekcyju, a mnie treba sdać testy na virus. Taksama ja zaŭvažyła, što jana mianie patajemna fatahrafavała na mabilny telefon ⠀ Ja zajšła ŭ susiedni pakoj, dzie adbyvałasia testavańnie. Pierada mnoj u čarzie była para z Aŭstryi, my pačali hutarku. Palicejski zabaraniŭ nam razmaŭlać! ⠀ Paśla taho, jak ja prajšła testavańnie, mianie adviali ŭ moj numar i skazali nikudy nie vychodzić. Nahadali, što ŭ hateli ŭvieś čas prysutničaje palicyja i kali ja ździajśniu sprobu syści, jany prymuć miery pa abmiežavańniu majoj svabody ⠀ Mnie dasiul nichto narmalna nie patłumačyŭ, čamu mianie naohuł testavali i čamu ja pavinna tut znachodzicca prymusova ⠀ Na dadzieny momant nijakich zachadaŭ dla majho vyzvaleńnia dziaržava nie prymaje. Mnie strašna. ⠀ Ja zmahu vyjści z numara hatela ŭviečary 27 sakavika, ale ŭsie rejsy z Chanoju admienienyja. ⠀ U ambasadzie mnie paviedamili, što budzie arhanizavana evakuacyja, prykładna ŭ aŭtorak ci sieradu. Nieviadoma ź jakoha horadu. Adzinaje, što viadoma dakładna - samalot budzie tolki adzin i dla ŭsich miesca nie chopić

A post shared by Taćcianka | Błohier | Minsk (@letytsennik) on Mar 21, 2020 at 8:38am PDT

Jana znachodzicca ŭ horadzie Chanoj užo niekalki dzion.

Urad Vjetnama vyrašyŭ žorstka zmahacca ź virusam:

• Mašyny dystancyjna vymiarajuć tempieraturu minakoŭ, u horadzie vialikaja kolkaść vajskoŭcaŭ, miedyki ŭ kaściumach chimabarony.
• Taksama vas prymusiać ustalavać mabilny dadatak, jaki budzie adsočvać vašu hieałakacyju.
• Kali vaša tempieratura vyšejšaja za 37,3, vas prymusova adviazuć u špital.

Biełaruska maryła chutčej apynucca doma, bo ŭ Vjetnamie nie adčuvaje siabie ŭ biaśpiecy.

Vylet samalota Taćciany pavinien byŭ adbycca ŭ niadzielu, 22 sakavika, u 08:55 ranicy.

Ale ŭ piatnicu da biełaruski ŭ numar pryjšła mieniedžarka hatela i skazała, što Taćciana bolš nie moža pakidać svoj pakoj.

Jany atrymali zahad ad ŭrada krainy i pavinny ŭtrymlivać na karancinie da 27 sakavika, niahledziačy na toje što kvitki na samalot na 22 sakavika.

U subotu a 08:00 ranicy biełaruska adpraviła elektronny list na poštu ambasady Biełarusi va Vjetnamie.

Praź niekalki hadzin u numar biełaruski pryjšła mieniedžarka i skazała, što ŭ pakoi buduć pravodzić dezynfiekcyju, a joj treba zdać testy na virus.

Paśla taho jak Taćciana prajšła testavańnie, jaje adviali ŭ numar i skazali nikudy nie vychodzić. Nahadali, što ŭ hateli ŭvieś čas prysutničaje palicyja.

«Mnie dasiul nichto narmalna nie patłumačyŭ, čamu mianie naohuł testavali i čamu ja pavinna tut znachodzicca prymusova. Na dadzieny momant nijakich zachadaŭ dla majho vyzvaleńnia dziaržava nie prymaje. Mnie strašna», — piša biełaruska.

Jana zmoža vyjści z numara hatela ŭviečary 27 sakavika, ale ŭsie rejsy z Chanoja admienienyja.

«U ambasadzie mnie paviedamili, što budzie arhanizavana evakuacyja, prykładna ŭ aŭtorak ci sieradu. Nieviadoma ź jakoha horada. Adzinaje, što viadoma dakładna, — samalot budzie tolki adzin i dla ŭsich miesca nie chopić», — piša Taćciana.

NN.by

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0