Abrazy ŭ pravasłaŭnych chramach buduć pracirać antysieptykam paśla całavańnia

Mitrapalit Minski i Zasłaŭski Pavieł zaklikaŭ z razumieńniem pastavicca da rekamiendavanych prafiłaktyčnych mier, nakiravanych na praduchileńnie raspaŭsiudžvańnia ŭ Biełarusi virusnych zachvorvańniaŭ, piša Sobor.by.

«Zaklikaju kožnaha pravasłaŭnaha chryścijanina pakazvać vobraz vykanańnia zapaviedzi Chrysta pra luboŭ da bližniaha, adkazna vykonvajučy rekamiendavanyja Ministerstvam achovy zdaroŭja Respubliki Biełaruś sanitarna-hihijeničnyja i supraćepidemijałahičnyja pradpisańni, nakiravanyja na źnižeńnie zachvorvańnia i praduchileńnie dalejšaha raspaŭsiudžvańnia virusnaj infiekcyi», — havorycca ŭ cyrkularnym liście.

Va ŭsich chramach, manastyrach i miescach ahulnaha schodu viernikaŭ rekamiendavana:

• abrazy i śviatyni pracirać antysieptyčnymi albo śpirtaźmiaščalnymi rečyvami paśla kožnaha całavańnia. Na pieryjad epidemii mahčyma navat ustrymacca ad całavańnia śviatyń, zamianiŭšy jaho pakłonam;
• užyvać adnarazovyja šklanački dla zapivańnia paśla pryčaści abo navat abmiežavacca źjadzieńniem antydora abo śviatoj prasfory biez zapivańnia. Pry hetym adnarazovy posud treba źbirać i ŭtylizavać adrazu paśla bahasłužby;
• rehularna rabić vilhotnuju ŭborku ŭ miescach zboru ludziej i parafijalnych hramadskich sanitarnych pakojaŭ.

NN.by

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0