KDB zacikaviŭsia dyrektaram «Minskkancerta» i čynoŭnicaj Mahiloŭskaha harvykankama
STB
Niekalki vypadkaŭ chabaraŭ vyjaviła KDB u śfiery kultury. Pavodle infarmacyi TUT.BY, u piatnicu ŭ Mahilovie zatrymali načalnicu ŭpraŭleńnia kultury Mahiloŭskaha harvykankama Irynu Žabaravu, u niadzielu ŭ poli zroku siłavikoŭ apynuŭsia dyrektar «Minskkancerta» Andrej Mikucievič.
Pavodle TUT.BY, i čynoŭnica, i dyrektar «Minskkancerta» atrymali chabary (500 rubloŭ i 3500 rubloŭ adpaviedna) ad pradstaŭnika pryvatnaj kampanii, jakaja zajmajecca śvietłavym afarmleńniem. Hrošy brali za pieramohu ŭ konkursnych tarhach i svoječasovuju apłatu pa damovie.
U KDB paviedamili, što ni paćvierdzić, ni abvierhnuć infarmacyju ab zatrymańni čynoŭnicy i dyrektara pradpryjemstva nie mohuć. Telefon pryjomnaj «Minskkancerta», hałoŭnaj kancertnaj arhanizacyi Minska, zasnavalnik jakoha — Minharvykankam, nie adkazvaje.