Ambasada ZŠA ŭ Minsku časova prypyniaje vydaču viz z-za karanavirusa
Pra heta havorycca ŭ paviedamleńni dypmisii.
«Prymajučy pad uvahu rašeńnie Savieta Ministraŭ Respubliki Biełaruś ab abmiežavańni kulturnych, navukovych, spartyŭnych i inšych masavych mierapryjemstvaŭ, nakiravanaje na praduchileńnie raspaŭsiudžvańnia novaha karanavirusa COVID-19, ambasada ZŠA ŭ Minsku prypyniaje akazańnie pasłuh pa vydačy nieimihracyjnych vizaŭ z 17 sakavika 2020 hoda. Pasłuhi, jakija akazvajucca pasolstvam hramadzianam ZŠA, pa-raniejšamu buduć dastupnyja.
Ambasada ZŠA ŭ Minsku prychilna palitycy abarony zdaroŭja i biaśpieki hramadzian ZŠA i supracoŭnikaŭ pradstaŭnictva. Jak tolki pahroza COVID-19 ścichnie, ambasada ZŠA adnović pasłuhi pa vydačy nieimihracyjnych vizaŭ u poŭnym abjomie», — paviedamlajecca na staroncy dypmisii ŭ fejsbuku.
