Nafta Brent apuskałasia nižej za $30
Košt fjučarsa na naftu Brent z pastaŭkaj u mai 2020 hoda padčas tarhoŭ na biržy ICE ŭ Łondanie paskoryła źnižeńnie i dasiahała adznaki ŭ $29,60 za baral, vynikaje z danych handlovaj placoŭki na 16:31. Upieršyniu sa studzienia 2016 hoda.
Potym cana krychu vyrasła, i pa stanie na 16:52 nafta tarhujecca pa 30,20 dalara.
Nafta WTI tarhujecca pa 28,74 dalara.
Padzieńnie cany nafty praciahvajecca z-za ŭzmacnieńnia bojazi zapavoleńnia suśvietnaj ekanomiki i padzieńnia popytu razam z rastučaj zdabyčaj syraviny. FRS i inšyja najbujniejšyja centrabanki nie zmahli stabilizavać rynki.
Niehatyŭna na nastroi inviestaraŭ paŭpłyvała makraekanamičnaja statystyka. Abjom pramysłovaj vytvorčaści ŭ Kitai rezka skaraciŭsia na fonie raspaŭsiudžvańnia karanavirusa i spynieńnia pracy pradpryjemstvaŭ z-za karancinu.
