Mahiloviec pajšoŭ z kachanaj u hości, pasvaryŭsia ź joj i złamaŭ skivicu
Incydent adbyŭsia ŭ haściach, u domie na vulicy Kasmanaŭtaŭ, kudy žančynu zaprasili razam z 42-hadovym pryjacielem. Jak raspaviała mogilenews.by aficyjny pradstaŭnik Leninskaha RAUS Alena Simanava, mahiloŭcy pryjšli ŭ hości ŭ jakaści pary — ich užo nie adzin hod źviazvajuć ramantyčnyja adnosiny.
— Adnak paśla taho jak jany vypili, mužčyna staŭ ahresiŭny i patrabavalny da siabroŭki. Jon staŭ abražać siabroŭku, a kali taja nie ŭtrymałasia i stała ahryzacca, to pačaŭ bić i navat złamaŭ skivicu. A paśla praciahnuŭ pić. Na zaŭvahi siabroŭ jon nie reahavaŭ, sproby prymiryć paru taksama ni da čaho nie pryviali. Tolki vyklik milicyi pryvioŭ mužčynu ŭ prytomnaść.
Mužčyna aryštavany. Jon nidzie nie pracuje, raniej byŭ sudzimy za šmatlikija kradziažy.
