Matč «ManSici» — «Arsienał» pieraniesieny. Sprava ŭ chvorym na karanavirus uładalniku treciaha kłuba, što naviedaŭ raspranalniu łondancaŭ
Fota ź instahrama Evanhiełasa Marynakisa
Kiraŭnictva Anhlijskaj premjer-lihi (APŁ) pryniało rašeńnie pieranieści sustreču 28-ha tura pamiž «Mančesteram Sici» i «Arsienałam», jakaja pavinna była adbycca 11 sakavika ŭ Mančestery ŭ suviazi z uspyškaj karanavirusa. Pra heta paviedamlaje pres-słužba APŁ.
27 lutaha «Arsienał» prymaŭ u Łondanie hrečaski «Alimpijakas» u ramkach matču 1/16 finału Lihi Jeŭropy (1:2). Uładalnik kamandy haściej Evanhiełas Marynakis (jon taksama ŭładalnik «Notynhiema Forest») u aŭtorak paviedamiŭ, što zaražany karanavirusam. Usie hulcy i piersanał hrečaskaha kłuba prachodziać pravierku ŭ špitali. Kiraŭnictva APŁ pryniała rašeńnie nie pravodzić matč «Mančester Sici» — «Arsienał» ź mierkavańniaŭ biaśpieki.
«Spadar Marynakis sustrakaŭsia ź niekatorymi hulcami «Arsienała» i supracoŭnikami kłuba. Pa hetaj pryčynie APŁ pryniała rašeńnie pieranieści matč, pryznačany na 11 sakavika. Liha razumieje, što dadzienaja situacyja pryniasie niazručnaści i finansavyja straty, adnak alternatyŭnaha varyjantu niama. Prymajucca ŭsie nieabchodnyja miery, inšyja matčy turu nie buduć pieraniesieny», — cytuje paviedamleńnie pres-słužby TASS.
Marynakis taksama na svajoj staroncy ŭ instahramie paviedamiŭ, što padchapiŭ karanavirus.
«Novy virus dabraŭsia i da mianie, i ja adčuvaju, što abaviazany paviedamić pra heta hramadstvu. Pačuvajusia dobra, bo ja pryniaŭ usie nieabchodnyja miery i prytrymlivajusia instrukcyj miedykaŭ.
Pierakanaŭča raju ŭsim maim suhramadzianam rabić toje ž samaje. Žadaju ŭsim chutkaha vyzdaraŭleńnia».
