Kandrusievič: Kaścioł nie prapanuje dziaržavie kahości pieraśledavać ci karać
9 sakavika ŭ Minsku z udziełam pradstaŭnikoŭ Katalickaha Kaścioła i Pravasłaŭnaj Carkvy prajšła pres-kanfierencyja pa vynikach zboru podpisaŭ u abaronu «tradycyjnych siamiejnych kaštoŭnaściaŭ i suprać prapahandy homasieksualizmu i inšych pałavych nienarmalnaściaŭ niepaŭnaletnim». Vykazaŭsia i kiraŭnik Katalickaha Kaścioła Biełarusi mitrapalit Minska-Mahiloŭski Tadevuš Kandrusievič. Jon udakładniŭ pazicyju Kaścioła, piša catholic.by.
Fota Nadziei Bužan
Kandrusievič nahadaŭ, što zbor podpisaŭ pad zvarotam da Łukašenki byŭ inicyjavany dabračynnym fondam «Adkrytyja sercy», jaki nie źjaŭlajecca strukturaj Katalickaha Kaścioła ŭ Biełarusi.
«U padrychtavanym aktyvistami fondu zvarocie da prezidenta tyja, chto jaho padpisali, prosiać kiraŭnika dziaržavy pryniać nacyjanalnuju nadviedamasnuju prahramu ŭ abaronu tradycyjnaj siamji i vystupić z zakanadaŭčaj inicyjatyvaj ab zabaronie prapahandy adnapołych znosin siarod niepaŭnaletnich. I my heta padtrymlivajem», — skazaŭ Kandrusievič.
«U toj samy čas Kaścioł nie vystupaje ź inicyjatyvaj kahości pieraśledavać abo dyskryminavać, a taksama nie prapanuje «ŭvieści kryminalnuju adkaznaść» za tyja ci inšyja dziejańni, jak heta niekatoryja imknucca pradstavić. Ničoha padobnaha ni ja, ni inšyja aficyjnyja pradstaŭniki Kaścioła nie vykazvali», — dadaŭ mitrapalit.
