U Italii karanavirusam zaraziŭsia lidar Demakratyčnaj partyi
Lidar Demakratyčnaj partyi Italii, što ŭvachodzić u Kiroŭnuju kaalicyju, i hubiernatar vobłaści Łacya Nikoła Dzinhareci zajaviŭ u subotu, što jaho test na karanavirus daŭ stanoŭčy vynik, piša TASS.
«Daktary skazali mnie, što ŭ mianie COVID-19 (vyklikanaje karanavirusam zachvorvańnie)», — napisaŭ jon na svajoj staroncy ŭ Twitter. Palityk dadaŭ, što adčuvaje siabie dobra, adnak nastupnyja niekalki dzion budzie vymušany pravieści doma.
Raniej analiz na karanavirus zdali ŭsie členy abłasnoha savieta Łambardyi, dzie było vyjaŭlena zaražeńnie ŭ adnaho z daradcaŭ, a taksama pamočnicy hubiernatara Atyły Fantany. Akramia taho, siarod infikavanych u Italii ŭžo jość mery dvuch haradoŭ. Usiaho, pavodle apošnich źviestak, kolkaść tych, chto zaraziŭsia ŭ krainie, dasiahnuła 4636, ź ich 197 pamierli, bolš za 500 vyzdaravieli.
