Sud u Parahvai adpraviŭ Ranałdzińjo pad vartu. Jaho zatrymali z falšyvym pašpartam
Xue Yuge/Xinhua
Sud u stalicy Parahvaja Asunśjonie pryniaŭ rašeńnie adpravić pad vartu byłoha napadnika «Barsiełony» i zbornaj Brazilii Ranałdzińjo, paviedamlaje ahienctva Reuters. Pa słovach kiraŭnika śledčaha departamienta parahvajskaj palicyi Hiłbierta Flejtasa, sud nie pahadziŭsia z prakuraturaj, jakaja prapanoŭvała bolš miakki varyjant pakarańnia.
Ranałdzińjo i jaho brata zatrymali ŭ Asunśjonie 5 sakavika, paśla taho jak padčas pieratrusu byli vyjaŭlenyja falšyvyja pašparty. Sapraŭdnaha zamiežnaha pasparta brazilca pazbavili jašče u 2018 hodzie z-za niavypłaty padatkaŭ, dadaje RBK.
Ranałdzińjo — čempijon śvietu 2002 hoda. U składzie «Barsiełony» jon vyjhraŭ dva čempijanaty Ispanii i staŭ pieramožcam Lihi čempijonaŭ. Hulajučy za «Miłan», paŭabaronca staŭ čempijonam Italii.
