Pres-sakratar Minharvykankama pasłała pradstaŭnika Biełaruskaj asacyjacyi žurnalistaŭ «na ch**»
Akredytavany žurnalist «Radyjo Svaboda» Alaksandr Daščynski niekalki dzion zapar sprabavaŭ atrymać kamientar kiraŭnictva administracyi Centralnaha rajona Minska z nahody znosu adnaho z pryvatnych damoŭ pa vulicy Cimirazieva ŭ Minsku.
— Nie dabiŭšysia 3 sakavika kamientara z nahody situacyi, ja vyrašyŭ pryjści na asabisty pryjom da namieśnika kiraŭnika administracyi Centralnaha rajona Dzianisa Žybula ŭ jaho pryjomny dzień — 4 sakavika.
Adnak supracoŭnik milicyi, jaki ažyćciaŭlaje propusk u budynak, prosta nie prapuściŭ mianie, paviedamiŭšy, što nijakaha kamientara ad Dzianisa Žybula nie budzie, — raspavioŭ Alaksandr Daščynski pres-słužbie Biełaruskaj asacyjacyi žurnalistaŭ.
BAŽ źviarnułasia da čynoŭnikaŭ pa kamientary, ale tak i nie zmahła ich atrymać.
Načalnik upraŭleńnia ideałahičnaj raboty administracyi Centralnaha rajona Juryj Caba ranicaj 5 sakavika paćvierdziŭ, što čuŭ pra incydent, i paabiacaŭ pieratelefanavać i rastłumačyć situacyju.
Paśla hetaha HA «BAŽ» nie zmahło datelefanavacca na słužbovy telefon čynoŭnika. My pasprabavali atrymać kamientar u pres-słužbie Minskaha harvykankama, ale ŭsiu pieršuju pałovu dnia na telefanavańni tam nichto nie adkazvaŭ.
Pradstaŭniku HA «BAŽ» udałosia datelefanavacca na asabisty telefon pres-sakratara Minharvykankama Aleny Mochar. Jana paviedamiła, što znachodzicca ŭ adpačynku i paraiła praciahvać dazvońvacca na numar pres-słužby, paśla čaho dapuściła ŭ razmovie hrubuju niecenzurnuju łajanku i paviesiła słuchaŭku.
Pryvodzim rasšyfroŭku zapisu razmovy (jana majecca ŭ redakcyi):
BAŽ: Dobry dzień!
Mochar: Zdravstvujtie!
BAŽ: Alena, pravilna?
Mochar: Słušaju Vas.
BAŽ: Heta Vas turbuje Biełaruskaja asacyjacyja žurnalistaŭ. My pišam materyjał pra toje, što ŭčora žurnalist «Radyjo Svaboda» …
Mochar: Možna, ja vas pierapyniu troški. Ja ŭ adpačynku znachodžusia.
BAŽ: Ja zrazumieŭ. Skažycie, kali łaska, jak tady źviazacca z pres-słužbaj?
Mochar: Telefon 218-02-93.
BAŽ: Ale tam nichto nie padymaje, ja ceły dzień telefanuju.
Mochar: Značyć treba telefanavać.
BAŽ: To bok, kali pres-słužba nie padymaje telefon, heta žurnalist vinavaty, što nie datelefanavaŭsia? Ci jak mnie dziejničać?
Mochar: dazvońvacca, dazvońvacca. Moža vyjšła dzie, abo na naradzie. Idzi na ch**, b*!
Čytajcie. Ź Minsielhasa zvolnili pres-sakratarku Zinaidu Bieraščenka, jakaja pasłała žurnalista «Našaj Nivy»
