Šeść krain ES stvaryli kibiersiły chutkaha reahavańnia. Ich uznačalić Litva
Pahadnieńnie pamiž ministrami abarony Litvy, Estonii, Charvatyi, Polščy, Niderłandaŭ i Rumynii było dasiahnutaje ŭ stalicy Charvatyi. Kaardynavać stvareńnie sił i kiravać imi budzie Litva, piša «Radyjo Svaboda».
Pahadnieńnie dasiahnutaje ŭ formie miemarandumu ab uzajemarazumieńni ŭ spravie stvareńnia kibiernietyčnych sił chutkaha reahavańnia.
U adpaviednaści z pahadnieńniem budzie stvorana dziažurnaja mižnarodnaja kamanda, hatovaja adreahavać na kibierataku suprać adnoj z krain-členaŭ pahadnieńnia. Častkaj pracy sumiesnych siłaŭ budzie rasśledavańnie kibier-incydentaŭ.
Siły zmohuć reahavać na incydenty ŭ krainach, jakija padpisali memarandum, a taksama ŭ krainach-naziralnikach, a ŭ budučyni — i ŭ ramkach instytutaŭ ES.
Ciapier naziralnikami źjaŭlajucca Bielhija, Hrecyja, Ispanija, Italija, Francyja, Słavienija i Finlandyja.
Inicyjatyva stvareńnia sił chutkaha reahavańnia była ahučana Litvoj u 2017 hodzie.
