Dziaržduma Rasii spraściła atrymańnie statusu nośbita ruskaj movy dla hramadzian Biełarusi
Dziaržduma Rasii na pasiadžeńni ŭ čaćvier pryniała ŭ trecim — kančatkovym — čytańni zakonaprajekt ab mahčymaści admieny sumoŭja dla hramadzian Ukrainy i Biełarusi pry atrymańni imi statusu nośbita ruskaj movy, piša TASS.
Pavodle raniejšych normaŭ, zamiežnyja hramadzianie i asoby biez hramadzianstva mohuć być pryznanyja nośbitami ruskaj movy pa vynikach sumoŭja, praviedzienaha ź imi profilnaj kamisijaj. Taki status daje mahčymaść jaho ŭładalniku atrymać rasijskaje hramadzianstva ŭ sproščanym paradku.
Pryniatym zakonam ustanaŭlivajecca, što hramadzianie Biełarusi i Ukrainy, jakija svabodna vałodajuć ruskaj movaj, pry padačy asabista zajavy ab pryznańni ich nośbitami ruskaj movy i pry najaŭnaści padstaŭ mohuć być pryznanyja kamisijaj nośbitami ruskaj movy biez prachodžańnia sumoŭja.
Pad padstavami majecca na ŭvazie toje, što sami zajaŭniki abo ich pramyja svajaki pastajanna pražyvajuć abo raniej pastajanna pražyvali na terytoryi RF albo na terytoryi, što adnosicca da Rasijskaj impieryi ci SSSR u miežach dziaržaŭnaj miažy RF.