U Biełarusi hulaje kampjutarny virus pad vyhladam infarmacyi ab karanavirusie
Śledčy kamitet pačaŭ kryminalnyja spravy pa faktach niesankcyjanavanaha dostupu da kampjutarnaj infarmacyi ŭstanoŭ achovy zdaroŭja, paviedamlaje SK u svaim telehram-kanale.
Złamyśniki niesankcyjanavana pranikli ŭ paštovyja skryni elektronnaj pošty RNPC pulmanałohii i fizijatryi, a taksama Minskaha zanalnaha centra hihijeny i epidemijałohii. Paśla adkryćcia listoŭ pad vyhladam paviedamleńnia ab karanavirusie zapuskałasia škodnasnaja prahrama.
«Paśla atrymańnia dostupu da ich nieviadomyja rassyłali paviedamleńni sa spasyłkaj na škodnasnaje prahramnaje zabieśpiačeńnie ŭ tekście. Dopisy byli padrychtavanyja z užyvańniem pryjomaŭ sacyjalnaj inžynieryi — u ich źmiaščałasia nie adpaviednaja rečaisnaści infarmacyja, jakaja tyčycca raspaŭsiudžvańnia karanavirusa ŭ Biełarusi. Paśla adkryćcia najaŭnych u paviedamleńni spasyłak na kampjutar karystalnika pad vyhladam pdf-fajła aŭtamatyčna spampoŭvajecca skrypt, jaki zapuskaje vykanany škodnasny fajł», — tłumačycca ŭ paviedamleńni.
U abodvuch vypadkach skampramietavanyja elektronnyja paštovyja skryni byli zarehistravanyja na chostynhu tut.by.
«Pa vyšejvykładzienych faktach Centralnym (h. Minska) rajonnym adździełam i Minskim rajonnym adździełam raspačatyja kryminalnyja spravy art. 349 Kryminalnaha kodeksa. Śledčyja va ŭzajemadziejańni z supracoŭnikami milicyi pravodziać nieabchodnyja śledčyja i apieratyŭna-vyšukovyja mierapryjemstvy, nakiravanyja na vyśviatleńnie padazravanych.
