U Indaniezii infikavanych karanavirusam buduć źmiaščać na biaźludnym vostravie
Ułady Indaniezii majuć namier raźmiaścić na adnym ź niezasielenych astravoŭ balnicu i karancinny centr dla infikavanych karanavirusam. Pra heta paviedamlaje tass.ru sa spasyłkaj na hazietu The Jakarta Post.
Pavodle vydańnia, hałoŭnakamandujučy ŭzbrojenych siłaŭ maršał avijacyi Chadzi Tčachdžanta naviedaŭ niekalki astravoŭ pravincyi Archipiełah Ryau i spyniŭ svoj vybar na nievialikim vostravie Hałanh. Pavodle jaho słoŭ, tam zachavalisia baraki, u jakich z 1976 da 1996 hoda raźmiaščalisia ŭciekačy z Vjetnama. Tam praviedziena elektryčnaść, jość śvidraviny ź pitnoj vadoj. Hałanh znachodzicca za 50 km ad mižnarodnaha aeraporta, raźmieščanaha na bujnym susiednim vostravie Batam.
Na praciahu miesiaca tam moža być adkryta infiekcyjnaja balnica na tysiaču čałaviek.
Ułady najbujniejšaj krainy Paŭdniova-Uschodniaj Azii 2 sakavika paćvierdzili pieršyja dva vypadki zachvorvańnia ŭ krainie. Razam z tym u Małajzii i Sinhapury ŭžo na minułym tydni vyjavili niekalki čałaviek, zaražanych karanavirusam, jakija pabyvali ŭ Indaniezii, u tym liku ŭ Džakarcie i na vostravie Batam.
