Jeŭrakamisija i Jeŭraparłamient abmiežavali pracu z-za čynoŭnika, što zaraziŭsia karanavirusam
Jeŭrakamisija, Jeŭraparłamient i Rada ES skaračajuć kolkaść publičnych mierapryjemstvaŭ i abmiažoŭvajuć dostup u svaje budynki paśla vyjaŭleńnia karanavirusa ŭ čynoŭnika Jeŭrapiejskaha abaronnaha ahienctva. Pra heta ŭ sieradu paviedamiła žurnalistam krynica ŭ jeŭrapiejskich instytutach u Bruseli, piša tass.ru.
Jeŭrapiejskaje abaronnaje ahienctva ŭ pašyranaj u sieradu zajavie paviedamiła, što čynoŭnik ahienctva, jaki viarnuŭsia ź Miłana, u subotu prainfarmavaŭ načalstva ab simptomach prastudy. Analizy paćvierdzili najaŭnaść karanavirusa novaha typu. Pacyjent demanstruje lohkija simptomy chvaroby i zastajecca doma na karantynie. Ahienctva taksama dało ŭkazańnie ŭsim svaim supracoŭnikam, jakija mieli kantakty z chvorym, pracavać z domu na praciahu 14 dzion.
Jeŭraparłamient faktyčna spyniŭ praviadzieńnie druharadnych pasiadžeńniaŭ i sustreč, u tym liku hramadskija mierapryjemstvy ŭ štab-kvaterach u Bruseli i Strasburhu. Da śpiecyjalnaha rasparadžeńnia administracyi Jeŭraparłamienta buduć pravodzicca tolki pasiadžeńni kamitetaŭ i plenarnyja siesii JEP, adnak na ich nie buduć dapuskacca zaprošanyja asoby i pradstaŭniki hramadskaści. Na praciahu bližejšych dvuch tydniaŭ kolkaść mierapryjemstvaŭ u štab-kvatery Jeŭraparłamienta skarocicca prykładna na 70%.
