Jeŭrakamisija vystupiła suprać adkryćcia miežaŭ JeC dla siryjskich biežancaŭ
Źniešnija miežy Jeŭrasajuza nie pavinny adčyniacca dla biežancaŭ. Pra heta zajaviła na pres-kanfierencyi ŭ Brusieli jeŭrakamisar pa ŭnutranych spravach Iłva Jochansan, kamientujučy paviedamleńni ab stvareńni Turcyjaj iluzii adkrytych miežaŭ ES, piša tass.ru.
Pavodle jaje słoŭ, Brusiel pavinien abaraniać jeŭrapiejskija miežy. «I, viadoma, heta pavinna adbyvacca ŭ adpaviednaści ź mižnarodnym pravam i fundamientalnymi pravami čałavieka», — dadała jana.
Raniej u čaćvier ministar abarony FRH Aniehret Kramp-Karenbaŭer raskrytyavała rašeńnie Turcyi nie strymlivać biežancaŭ, jakija imknucca trapić na terytoryju ES. Jana taksama papraknuła tureckaje kiraŭnictva ŭ tym, što jano naŭmysna dezinfarmuje biežancaŭ. Na dumku ministra, Turcyja «stvaraje iłžyvuju karcinu taho, što miežy adkrytyja i možna svabodna jechać u Jeŭropu».
Taksama kamisar ES pa pytańniach kryzisnaha kiravańnia Janez Lenarčyč zajaviŭ, što Jeŭrasajuz vydzielić dadatkova 170 miljonaŭ jeŭra na akazańnie humanitarnaj dapamohi Siryi, havorycca ŭ paviedamleńni dypłamatyčnaj słužby ES.
Paśla hibieli ŭ noč na 28 lutaha 36 tureckich sałdat u siryjskaj pravincyi Idlib Ankara pryniała rašeńnie nie spyniać siryjskich biežancaŭ, jakija imknucca trapić u Jeŭropu.
U razhar mihracyjnaha kryzisu ŭ 2016 hodzie Brusiel i Ankara zaklučyli pahadnieńnie, zhodna ź jakim Turcyja zakryła svaje miežy ź ES dla mihrantaŭ, a Jeŭrasajuz zapłaciŭ za heta € 6 młrd. Jeŭrasajuz taksama paabiacaŭ Ankary biaźvizavy režym, adnak nie strymaŭ heta abiacańnie, zapatrabavaŭšy ad Turcyi spačatku pierahledzieć svajo antyterarystyčnaje zakanadaŭstva. Da ciapierašniaha momantu na terytoryi Turcyi sabrałasia zvyš 3,5 młn mihrantaŭ, jakija žadajuć trapić u Jeŭropu.
