U štacie Tenesi achviarami načnoha tarnada stali nie mienš za 22 čałavieki, razbureńni ŭ Nešvile
U štacie Tenesi achviarami tarnada ranicaj u aŭtorak, 3 sakavika, stali 22 čałavieki, u balnicu dastaŭlenyja 160 čałaviek, 48 damoŭ razburanyja. Značnyja straty i razbureńni ŭ stalicy štata, horadzie Nešvile. Raźbityja vitražy i niadaŭna adrestaŭravanyja tvory interjeraŭ u histaryčnaj haradskoj carkvie, sotni haradžan zastalisia biez dachu nad hałavoj, paviedamlaje «Ruskaja słužba «Radyjo Svaboda».
Na dośvitku stali bačnyja razburanyja ścieny, sarvanyja dachi, razarvanyja linii elektrapieradačy, pavalenyja vielizarnyja drevy. Ruch na haradskich vulicach byŭ pierapynieny, apisvaje toje, što adbyłosia, miascovy sajt. Škoły i sudy, tranzitnyja darohi, aeraport i Kapitolij štata byli začynienyja. Paškodžańni atrymali i niekatoryja ŭčastki dla hałasavańnia ŭ dzień, jaki pryniata nazyvać «supieraŭtorka» — prajmieryz pravodziacca adnačasova ŭ 14 štatach, siarod jakich i Tenesi.
Vyratavalnyja i adnaŭlenčyja raboty viaduć atrady pažarnych i palicyi.
