Pad Łunincam zatrymali rasijanina z 600 litrami nielehalnaha ałkaholu

Supracoŭniki DAI spynili na 363-m kiłamietry aŭtadarohi M10 «Kobryn-Homiel-miaža RF» aŭtamabil «HAZ-3302», jakim kiravaŭ 60-hadovy mužčyna.

U kuzavie aŭtamabila znajšli «schovanku» z płastykavymi kanistrami i jašče 964 butelki z ałkaholem biez adpaviednych dakumientaŭ, piša pres-słužba UUS Bresckaha abłvykankama.

Kiroŭca zapeŭnivaŭ, što hruz ahulnym abjomam 612 litraŭ pryznačaŭsia dla asabistaha karystańnia.

Na kiroŭcu składzieny administracyjny pratakoł, jamu pahražaje da 100 bazavych vieličyń z kanfiskacyjaj usiaho śpirtnoha, jakoje pieravyšaje kolkaść, dapuščalnuju dla pieramiaščeńnia abo zachoŭvańnia (5 litraŭ).

NN.by

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0